人地釣立，我釣立

多次釣期，都無出惦。人地釣雞，我釣雞；人地釣鲛，我釣鮫。++埋埋，都有十次釣期以上。今次都系人地釣立，我釣立。
今次出遠，零風速，車得好舒服，8点前到位，目標:黃小姐。
每個位都糸疏疏落落幾條，但至在我地勤力，扒番幾十條。仲有石奧、芝麻、白立仔、火点。幾十斤野，走人！

嘥錢、嘥時間

星期六，0500報緊4、5、6南風，心知不妙，早餐例會已講附近泥凸位有D釘、細倫釣下，其他釣友就繼續想出去四十幾揾大扯。

落到艇，一出長州，起晒白頭浪，艇家話出面好晴，已多次忠告各位有危機，但無人理。

繼續衝，唯有企足兩個鐘，到位。得D3、4兩扯旗仔。艇家話要釣大，要車多一個鐘，成海白頭浪，咪玩啦！

佢釣多個零鐘，自己話走人返泥凸！來回唔見3個鐘。到泥凸，成海艇，長州艇火勝、華貴+青蟲頭艇都糸唒到；表示出面唔釣得，暗串我地夠勇，咁都出。

泥凸釣況不差，有細倫、大石釘、黃釘，糸到釣番二十零斤……全日都有4十斤野！

P.S. 釣得個零鐘，+俾多千幾大洋；真糸最貴既一次！

 

 

喊救命！

有幾個月無出老妙、蚊蚊作釣。呢次釣期出新艇家，去開D舊位，得D大釘釘，没驚喜，艇家都勤力，就圍搵，好彩D釘、烏絲有4、5兩大。後，咸濕中條斤頭火点……
去番蚊蚊，last半個鐘，懒人一号，比佢用副5号中條5斤倉玩左5分鐘。其他中D磅頭雞，紅尾東，加時後，30斤野走人！
回程到三門，無油，喊救命！
晚上6点9才埋街。

 

5月都糸休戰好

3次釣期都無出帖，第一次西貢，乜蝦餌都買晒，D魚完全吾食，唯有fit尤，阿叻、刹手加埋百幾歲，噴墨玩到，不亦樂乎！

第二次阿水，青蟲頭釣和尚魚，自己中樂口！

第三次又阿水，牙州全無魚訊，得烏絲，回航釣和尚魚，得幾尾收工，算！

5月都糸休戰好。

東、西水＋維港

 

 

五一勞動先釣西貢，就圍搵雞，有二十零斤，上多條該死的黃暢，成班中佬學人fit魷，有十六隻，刺身一流。

 

五二維港遊船河，得條斤頭芝麻、幾斤石狗。

 

五六佛誕西水，大雞幾尾，沙鑽一堆。

3沙一水

2次釣期都無出帖，全因釣到無心机；遠近都唔多惦；理想與收入不相稱；搞到要食小肥牛！

呢次一到，咸濕即甩2條大，x@yz，鬼叫死都用副2号走天涯！

後備刹手先上一條斤頭赤立，B哥上黑沙、2斤老青。

條後備刹手再追，上多條白立，及黑沙；艇家中3斤青盧。

釣況同上2次一樣平靜。預左！

不停走位，揾到D大雞，成斤條，咸濕同時中壓，打誘餌+訓底！hold住D雞雞……

釣到30斤野，收工、都好。

 

鴛鴦倉

日期:2014年3月20日
農曆:二月廿日
天氣:時陰,時晴,時雨,微風
艇家:西人
釣手:肥豬,暈船浪,後備剎手,富城
魚穫:石倉x1(4斤)黃立倉x1(4斤)雞魚
加雜魚共約40斤

後記:上個星期日釣友賢哥釣完魚吹雞食飯,
原來佢釣到15條黃立倉,即刻令到我手都痕
埋,於是即刻卜艇走返轉。今朝出艇期間超
大霧,沿途能見度唔超過30米,所以只好慢慢
走,足足用左兩粒鐘先到地點。今日釣況同
上次差天共地,今日連雞魚都唔多開囗,莫講
話黃立倉,好彩到最後都俾我地磨到條石倉
同黃立倉,不至於一條都冇咁慘情，唯有下
次再釣過啦！

遠變近

日期:2014年3月13日
農曆:二月十三日
天氣:時陰時晴,2-3-4級風
艇家:火勝
釣手:肥豬,阿全,暈船浪
魚穫:雙牙仔x2(2斤,2斤半)青班x1(3斤半)白立
x2(@4斤零)加少許雜魚約25斤

後記:今日本來諗住出外海搏青班,但一早入
到長州,火勝就話而家已經起北風,可能出到
去都釣唔到,仲話今日長州冇人出遠,全部都
釣近便,既然講到咁就點話點好啦！
今日釣餌得海大蝦、大眼仔、赤米同八爪冇
細餌,火勝建議入蛛州魚排釣走籠班,但我地又
唔係咁想,於是成日都釣泥墪位。可能係死流
同冇細餌關係,魚訊非常咁疏落,想釣魚仔都要
剪蝦肉,但都唔得食。好彩到尾都叫做釣到幾
條見得吓人嘅魚,如果唔係都唔知點同班約

黑毛豬

日期:2014年2月25日
農曆:正月廿六
天氣:晴,早東風5級後轉4級
艇家:西人
釣手:肥豬,暈船浪,後備剎手,鬍鬚强
魚穫:黃立倉x16(5-11斤)黑毛x1(斤零)
加埋少許雞雞共約擔二

後記:因為上星期魚穫唔錯,所以即刻卜左
今日嘅釣期。今日同上次剛剛相反，今日
出去嗰時係大東風,返來就收晴左,就連魚
穫都係,上次大量雞魚,釣到你唔釣,今日就
寥寥可數,但倉倉大咬補返條數。今日黃立
倉食左18口餌上左16條,命中率都算幾高,可
能係Dsize唔係好大嘅關係,今曰最開心就係
又俾我釣到條冧蚌,真係有D運仔,唔講咁多喇
！去片

後記: 靚靚黑毛同豬哥糸分吾開的

影片內含不雅用詞，不喜勿進,慎入！！！

https://www.youtube.com/watch?v=hbZ5dQBG2PI&feature=player_embedded#t=0

 

 

https://www.youtube.com/watch?v=hbZ5dQBG2PI&feature=player_embedded#t=0

 

https://www.youtube.com/watch?v=uS_JYy2ILTQ&feature=player_embedded#t=0

 

 

 

大黃釘

星期六，長州期，報二、三級風，出遠石仔排。今次既目標都糸黃色魚，吾糸倉倉同雞，而糸大黃釘。二個幾鐘頭船，話風睛，都躉到肺甩。到後成海大陸艇，全部抛晒糸排頂，吾冼指意有運行！

阿叻發難先中三斤火曹，魚訊稀疏，得D波波立糸到搞搞震！飯前有個位，大黄釘糸到，一人一條；你中我中；原來假象。十條成家；把佢釣晒……

全日三十零斤野收工，整多條大紅衫，成五舊水！

後記：原來外海釣船仲多過維港，大班夢都無乜運行

 

 

 

 

朝2、午6(良哥撰文)

日期:2014年2月18日
農曆:正月十九
天氣:晴,早上勁霞霧2級風,下午6級
大北風
釣手:肥豬,暈船浪,賢哥,富城
魚穫:黃立倉x6(3-10斤)黑毛x2(2斤,1斤)
雞魚(約1擔)共約擔半

後記:本應約左星期六上澳頭,但天文台
又預報當日東風4-5-6,心知取消居多,就
喺呢個時候,暈船浪打泥問我星期二有冇興趣,嘩！咁筍！2-3級風,即刻
飯應。
今朝落艇一D風都冇,出到迪士尼已經勁
霞霧,能見到最低時只有30公尺,全程慢
駛用左接近兩個鐘先到釣點。今日好似
有D運,落絲無耐艇家就中條7斤倉倉,而
我嘅第一條魚竟然係我從未釣過嘅黑毛,
仲要成兩斤重,真係開心死！
今日全日都冇乜冷場,因為期間有D支友
食餌,大多數係半斤裝,而倉倉就間唔中一
條。全日倉倉食9口餌,但只上得6條,算係
合格啦！喺中午竟然又俾我中多條黑毛,
但就比較細只有斤頭。
pm1:30開始起風,到左pm3:15D風越來越勁
,見勢色唔對立即收拾細軟回程。途中俾Ｄ
大北風煎熬到體無完膚,風大浪大不特止,仲
要浪浪上由面到底都濕哂,埋到岸個個都凍
到打冷震,希望大家唔好冷病就好嘞。

 

 

 

 

 

 

開年第三釣

年初九，長洲釣行。一早諗住車遠釣大班，0415船，入到去，起哂風、又凍、又落雨。改釣近期人氣熱爆豬洲，釣走籠包公。

人地釣過擔，我地半日得十條，走！仲要十幾隻艇，一齊呔。

零丁尾，釣番40斤野、有3斤泥班、或仔、磅頭沙立、紅衫，雜魚。

 

 

太座與黃花

年初七，心有不甘，要釣下魚洩憤，艇家來電，有金條到。與太座去扯或，上午湧未收，一到佢即中金，重要連中，我都有一。但好景不常，壞細機，換機搞左一個鐘後，黃花失晒蹤。無魚釣加大湧，太座雖吃2粒白免仔都要變植物人。3點收湧，佢起身，即上身，扯番40斤野！黃花x3、大紅衫x2、花或x2、白花x1、三牙或、大石釘，開心！